سرگودھا(این این آئی)ماں کی دوسری شادی سے ناخوش نوجوان نے فائرنگ کر کے ماں کو قتل اور بہن کو شدید زخمی کر دیا اور فرار ہو گیا۔پولیس نے نعش پوسٹمارٹم کے لئے تحویل میں لیکر زخمی بہن کو ہسپتال منتقل کر دیا اور مصروف تفتیش ہے۔زرائع کے مطابق سرگودھا ریجن کے علاقہ خوشاب اعوان ٹاٰؤن جوہر آباد میں نوجوان بشارت علی کی ماں نے دوسری شادی کر رکھی تھی جس سے بیٹا ناخوش تھا جس کی رنجش میں بیٹے بشارت علی نے فائرنگ کر کے ماں صفیہ بی بی اور بہن رضوانہ کوثر کو زخمی کر دیا اور فرار ہو گے۔
وقوعہ میں شدید زخمی ماں بیٹی کو ڈی ایچ کیو ہسپتال منتقل کر دیا گیا جہاں زخموں کی تاب نہ لاتیہوئے ماں جان کی بازی ہارگئی جس کی نعش پولیس نے تحویل میں لیکر تفتیش شروع کر دی اس واقعہ کا نوٹس لیتے ہوئے ڈی پی او خوشاب توقیر محمد نعیم ڈی ایس پی سے رپورٹ طلب کر لی اور ملزم کی گرفتاری کے لئے خصوصی ٹیم تشکیل دے دی اور کہا کہ ملزم جلد پولیس کی گرفت میں ہوگا۔
