بیجنگ (این این آئی)چین کی دوسری چھو اویو چوٹی کی جامع سائنسی ٹیم کے ارکان نیکامیابی کے ساتھ 8201 میٹر بلند چھو اویو چوٹی پر پہنچے اور پہلی بار اس علاقے میں سائنسی تحقیقات کیں۔ چینی میڈ یا کے مطا بق اتوار کے روز صبح 9 بجکر 15 منٹ پر سائنسی ٹیم چوٹی پر پہنچی۔

یہ پہلا موقع ہے کہ چین کی کسی سائنسی ریسرچ ٹیم نیعوامی جمہویہ چین کے قیام کے بعد مائونٹ ایورسٹ کے علاوہ 8,000 میٹر سے زیادہ بلند چوٹی سر کی ہے، اور یہ چھنگھائیـتبت سطح مرتفع ماحولیاتی تحفظ قانون کے باضابطہ نفاذ کے بعد منعقد ہونے والی پہلی جامع سائنسی مہم بھی ہے۔ یکم اکتوبر چین کا قومی دن ہے۔سائنسی تحقیقی مشن مکمل کرنے کے بعد سائنسی ریسرچ ٹیم کے 18 ارکان نے چھو اویو چوٹی پر چین کا قومی پرچم بھی لہرا یا۔چھو اویو چوٹی کی انتہائی اونچائی پر سائنسی ریسرچ مشن کے کمانڈر انچیف محقق ان باوشنگ کے مطابق، یہ مہم چھو اویو چوٹی کے علاقے میں کی جانے والی ایک اہم تاریخی سائنسی سرگرمی ہے۔