لاہور( این این آئی) وفاقی تحقیقاتی ایجنسی ( ایف آئی اے)لاہور زون نے ہنڈی حوالہ کے کاروبار میں ملوث دو ملزم گرفتار کرلئے۔لاہورایف آئی اے نے کارروائی کرتے ہوئے ہنڈی حوالے کے غیرقانونی کاروبار کے خلاف روک تھام کیلئے چھاپہ مارا جس ے نتیجے میں دو ملزمان کو گرفتار کر لیا گیا۔

کارپوریٹ کرائم سرکل لاہورکے نسبت روڈ گوالمنڈی کے علاقوں میں چھاپے کے دوران کرنسی کی خریدوفروخت میں ملوث ملزمان حمزاللہ اور ایازاللہ گرفتار کیا گیا۔ایف آئی اے حکام کے مطابق گرفتار کئے گئے ملزمان سے ملکی کرنسی2 کروڑ18لاکھ روپے پاکستانی برآمد ہوئی ہے۔ ملزمان مختلف پارٹیوں سے بھاری رقوم وصول کرکے بذریعہ ہنڈی حوالہ کا کارروبارکرتے تھے۔