پالیکلے (این این آئی)ایشیا کپ کے دوسرے میچ میں سری لنکا نے بہترین کارکردگی کا مظاہرہ کرتے ہوئے بنگلہ دیش کو 5 وکٹوں سے شکست دے دی۔سری لنکا کے شہر پالیکلے میں کھیلے گئے ایشیا کپ کے دوسرے میچ میں بنگلہ دیش کے کپتان شکیب الحسن نے ٹاس جیت کر میزبان ٹیم کے خلاف پہلے خود بیٹنگ کا فیصلہ کیا۔
بنگلہ دیش کے اوپنر تنزیدالحسن دوسرے اوور میں صرف 4 رنز کے اسکور پر کھاتہ کھولے بغیر تھیکشانا کی وکٹ بنے۔محمد نعیم آئوٹ ہونے والے دوسرے بلے باز تھے جو 16 رنز بنا سکے اور انہیں ڈی سلوا نے 25 کے اسکور پر پویلین بھیج دیا۔نجم الحسن شانٹو نے ذمہ دارانہ بیٹنگ کی لیکن دوسرے اینڈ سے تجربہ کار آل رانڈر اور کپتان شکیب الحسن 36 کے اسکور پر انفرادی طور پر 5 رنز بنا کر پاریتھیرانا کو وکٹ سے گئے۔توحید ہریدرائے نے 20 رنز بنا کر 95 کے مجموعے تک نجم الحسن کا ساتھ دے سکے۔مشفق الرحیم بھی جلدی میں نظر آئے اور 13 رنز کی اننگز کھیل کر پاتھیرانا کی گیند پر آئوٹ ہوگئے۔
نجم الحسن شانٹو نے اس دوران اپنی نصف سنچری مکمل کی۔مہدی حسن میراز نے 5 رنز بنائے اور بنگلہ دیش کا اسکور 37 ویں اوور میں 141 رنز پر پہنچا تھا کہ ڈی سلوا اور راجیتھا کے گٹھ جوڑ نے مہدی حسن کو رن آئوٹ کردیا۔جس کے بعد ماہیدی حسن 6 رنز کا اضافہ کرکے ویلالیگ کی وکٹ بنے اور بنگلہ دیش کی ساتویں وکٹ 162 پر گر گئی۔نجم الحسن نے بنگلہ دیش کو مشکل سے نکالنے کی بھرپور کوشش کی لیکن 162 کے اسکور پر ہی تھیکشانا نے ان کی وکٹیں اڑا دیں۔تسکین احمد اور مستفیض الرحمن صفر پر آٹ ہوئے تو بنگلہ دیش کی ٹیم 43 ویں اوور میں صرف 164 رنز پر ڈھیر ہوگئی۔بنگلہ دیش کی ٹیم کو 164 رنز پر ٹھکانے لگانے کے لیے سری لنکا کی جانب سے متھیشا پاتھیرانا نے سب سے زیادہ 4 کھلاڑیوں کو آئوٹ کردیا۔
مہیش تھیکشانا نے دو، دھنانجیا ڈی سلوا، دونیتھ ویلالیگ اور داسن شناکا نے ایک،ایک وکٹ حاصل کی۔ہدف کے تعاقب میں سری لنکا کی اننگز کا آغاز بھی کچھ اچھا نہ تھا اور 15 رنز پر دمتھ کرونارتے کے ساتھ پتھم نسانکا بھی پویلین لوٹ چکے تھے۔کوشل مینڈس نے سدیرا سمارا وکراما کے ساتھ مل کر اسکور کو 43 تک پہنچایا ہی تھا کہ شکیب الحسن نے اپنی ٹیم کو ایک اور اہم کامیابی دلاتے ہوئے سری لنکا کو تیسرا نقصان پہنچایا۔43 رنز پر 3 وکٹیں گرنے کے بعد سماراوکراما کا ساتھ دینے اسالانکا آئے اور دونوں نے ذمہ دارانہ کھیل پیش کرتے ہوئے ٹیم کا اسکور 121 رنز تک پہنچایا۔سماراوکراما نصف سنچری مکمل کرنے کے بعد 54 رنز کی اننگز کھیل کر مہدی حسن کی گیند پر آئوٹ ہوگئے۔
