کراچی (این این آئی)انٹر بینک اور مقامی اوپن کرنسی مارکیٹ میں روپے کے مقابلے ڈالر مہنگا ہو گیا ۔بینک دولت پاکستان کے مطابق 99پیسے کے اضافے سے انٹر بینک میں ڈالرکی قدر284.84روپے پر جا پہنچی

جبکہ فاریکس ایسوسی ایشن آف پاکستان کے مطابق منگل کو1.20روپے کے نمایاں اضافے سے انٹر بینک میں روپے کے مقابلے ڈالر کی قدر284.05روپے سے بڑھ کر285.25روپے ہو گئی اسی طرح اوپن مارکیٹ میں ڈالر 2روپے مہنگا ہو گیا جس سے ڈالر کی قیمت فروخت 288روپے سے بڑھ کر290روپے ہو گئی ۔رپورٹ کے مطابق یورو کی قدر میں50پیسے کی کمی واقع ہوئی جس سے یورو کی قیمت فروخت316روپے سے گھٹ کر315.50روپے ہو گئی تاہم1روپے کے اضافے سے برطانوی پونڈ کی قیمت فروخت 362روپے سے بڑھ کر363روپے پر جا پہنچی ۔