اسلام آباد(نیوز ڈیسک)چاکلیٹ اور نسوار کے شیدائی انسان تو آپ نے بہت دیکھے ہوں گے لیکن پشاور میں دو بکرے بھی یہی شوق فرماتے ہیں جن کی مستی من پسند چاکلیٹ کھانے اور نسوار پھانکنے کے بعد ہی کم ہوتی ہے۔نسوار کھاتے لوگوں کو تو آپ نے بہت دیکھا ہوگا لیکن اگر نسوار پھانکتا بکرا سامنے آ جائے تو دیکھنے والوں کے تو شاید ہوش ہی اڑ جائیں۔پشاور کی سربند بکرا منڈی میں کچھ ایسی ہی صورتحال ہوتی ہے گاہکوں کی جب انہیں نظر آتا ہے لمبے لمبے کانوں والا نسوار کھاتا بکرا جس کا نام ہی مالک نے نسوار خان رکھ دیا ہے ، اسے جب تک اپنی یہ من پسند چیز نہ ملے چارہ ہضم نہیں ہوتا۔ظہور کے پاس صرف نسوار خان ہی نہیں بلکہ چاکلیٹ خان بھی ہے اور یہ بھی کوئی ملازم نہیں بلکہ بکرا ہی ہے جو چارے سے زیادہ چاکلیٹ کھانے کا شیدائی ہے۔ان مست بکروں کو قابو میں کرنے کیلئے مالک کو ایک کو چاکلیٹ کھلانی پڑتی ہے تو دوسرے کو نسوار کی پھکی دینی پڑتی ہے۔ اسی لئے تو اس کا نام نسوار خان ہی پڑ گیا ہے۔ بکرے بھی اپنی من پسند چیزیں کھا کر تمام مستی بھول جاتے ہیں۔نسوار خان کی قیمت پچاس ہزار جبکہ چاکلیٹ خان چالیس ہزار روپے میں فروخت کیلئے تیار ہے۔ مست بکروں کی اداﺅں نے منڈی کے دیگربیوپاریوں کو بھی دیوانہ کر رکھا ہے۔