لاہور ( این این آئی) پاکستان تحریک انصاف کے چیئرمین و سابق وزیر اعظم عمران خان نے کہا ہے کہ ہم آئینی تاریخ کے دوراہے پر کھڑے ہیں، اس راستے سے ہم ترکیہ بن سکتے ہیں یا میانمار، فیصلہ کرنا ہوگا۔عمران خان نے مائیکروبلاگنگ ویب سائٹ ٹوئٹر پر سپریم کورٹ میں پنجاب اور خیبر پختونخوا کے الیکشن کے التواء سے متعلق درخواستوں کی سماعت پر اپنے خیالات کا اظہار کیا ۔انہوں نے اپنے ٹوئٹ میں لکھا کہ آج ہم اپنی آئینی تاریخ کے دوراہے پر کھڑے ہیں جہاں ہم ترکی بن سکتے ہیں یا ایک اور میانمار میں تبدیل ہوسکتے ہیں۔ ہم میں ہر کسی کو انتخاب کرنا ہوگاکہ اسے تحریک انصاف کی طرح آئین،قانون کی حکمرانی اور جمہوریت کیساتھ کھڑا ہونا ہے یا کرپٹ مافیا،جنگل کے قانون اور فسطائیت کا ساتھ دینا ہے۔