واشنگٹن (نیوزڈیسک)امریکی صدر نے کہا کہ بہت سی ریاست اپنے عوام کا خیال رکھنے میں ناکام ہو رہی ہیں اس لیے پناہ گزینوں کو مسئلہ کئی دہائیوں تک جاری رہے گا۔امریکہ کے صدر براک اوباما نے کہا ہے کہ یورپ میں پناہ گزینوں کی حالیہ لہر صرف یورپی مسئلہ نہیں یہ عالمی مسئلہ ہے۔یہ بات انھوں نے میری لینڈ میں فورٹ مئیڈ میں ایک تقریب کے دوران کہی جہاں صدر نے دنیا بھر میں تعینات امریکی فوجیوں کے سوالوں کے جواب دئیے جو انھوں نے سماجی رابطوں کی ویب سائٹس اور سیٹلائٹ وڈیو کے ذریعے پوچھے تھے۔یہ تقریب 11 ستمبر 2001ءکو امریکہ میں ہوئے دہشت گرد حملوں کے 14 سال پورے ہونے پر منعقد کی گئی تھی۔صدر اوبامانے کہاکہ پناہ گزینوں کا موضوع رواں ماہ کے اواخر میں اقوام متحدہ کی جنرل اسمبلی کے اجلاس میں بھی زیر بحث آئے گا اور رہنماو¿ں کو چاہیے وہ اس مسئلے کے بین الاقوامی ردعمل میں کسی موثر حکمت عملی کے بارے میں سوچیں۔کوئی ایک ملک ان مسائل کو اکیلا حل نہیں کرسکتا۔ دنیا کا ایک اہم اتحاد ہونے کے ناطے نیٹو کو اس میں اپنا کردار ادا کرنا ہوگا۔صدر نے کہا کہ پناہ گزینوں کے بحران سے نمٹنے کا واحد راستہ اس مسئلے کے جڑ تک پہنچنا ہے۔