حیدر آباددکن (این این آئی)پاکستانی فین چاچا بشیر سے حیدرآباد دکن میں ایئرپورٹ پر پاکستانی پرچم لے لیا گیا۔چاچا بشیر پاکستان ٹیم کے استقبال کیلئے پاکستانی پرچم لیکر گئے تھے، انہوں نے بتایا کہ بھارتی سیکیورٹی نے مجھ سے پاکستانی پرچم لے لیا۔پاکستانی فین چاچا بشیر نے راجیو گاندھی ایئر پورٹ پر پاکستان زندہ باد کے نعرے بھی لگائے۔

یاد رہے کہ پاکستانی ٹیم 29 ستمبر کو حیدرآباد میں نیوزی لینڈ کے خلاف پہلا وارم اپ میچ کھیلے گی، میگا ایونٹ میں پہلا میچ 6 اکتوبر کو نیدرلینڈز سے ہوگا۔ پاک بھارت ٹاکرا 14 اکتوبر کو احمد آباد میں ہوگا، کپتان بابر اعظم جیت کے لیے پْرعزم ہیں۔ انہوں نے شائقین سے دعاؤں کی درخواست کی ہے۔