لندن(آئی این پی)ارجنٹائن سے تعلق رکھنے والے فٹ بال کے نامور کھلاڑی لیونل میسی نے ایک بار پھر رونالڈو کو پیچھے چھوڑ کر پانچویں مرتبہ یوروپین گولڈن شو ایوارڈ اپنے نام کرلیا۔لا لیگاکے آخری سیزن میں 34 گول اسکور کرنے پر ارجنٹائن کے اسٹرائیکر لیونل میسی کو پانچویں بار

گولڈن شو ایوارڈ سے نوازا گیا ہے۔ انہوں نے اس مقابلے میں اپنے حریف پرتگال کے رونالڈو کو پیچھے چھوڑا ہے جو ماضی میں چار بار گولڈ شو ایوارڈ حاصل کر چکے ہیں۔پانچویں بار ایوارڈ جیتنے پر میسی خود بھی کافی حیران نظرآرہے تھے، اس موقع پر ان کا کہنا تھا کہ پانچویں مرتبہ یورپین گولڈن شو ایوارڈ جیتنا میرے لئے باعث فخر لمحہ ہے جس کو کبھی فراموش نہیں کرسکتے۔ انہوں نے کہا کہ جب میں نے فٹ بال کھیلنا شروع کیا تو اتنی کامیابیاں ملنے کے بارے کبھی نہیں سوچا تھا اور پروفیشنل فٹ بال کھیلنا خواب تھا۔اپنی کامیابیوں سے لطف اندوز ہو رہا ہوں اور مستقبل میں بھی کوشش ہو گی کہ عمدہ کارکردگی کے تسلسل کو برقرار رکھتے ہوئے مزید اعزازات اپنے نام کروں۔ شہرہ آفاق ارجنٹائن اور بارسلونا کے فٹ بالر لائنل میسی نے ریکارڈ پانچویں مرتبہ یورپین گولڈن شو ایوارڈ جیت کر نئی تاریخ رقم کر دی۔ لائنل میسی کو 2017-18 سیزن کے دوران نمایاں کارکردگی کے اعتراف میں اس ایوارڈ سے نوازا گیا۔ انہوں نے زیادہ مرتبہ یورپین گولڈن شو ایوارڈ جیتنے کی فہرست میں کرسٹیانو رونالڈو کو پیچھے چھوڑ دیا۔ پرتگالین فٹ بالر نے چار بار ایوارڈ اپنے نام کر رکھا ہے۔

موضوعات:لیونل میسی