تل ابیب (این این آئی )اسرائیلی وزیر اعظم نفتالی بینیٹ نے کہا ہے کہ ان کا ملک ایران کے ساتھ مسلسل حالت جنگ میں ہے۔ اسے اسرائیل، لبنان، غزہ کی پٹی اور شام میں آکٹوپس

اسرائیل کا گھیرا ئوکر رہا ہے۔غیرملکی خبررساں ادارے کے مطابق بینیٹ نے مزید کہا کہ ہم ایران کو کمزور کرنے کے لیے ہر ممکن کوشش کر رہے ہیں۔ ہم نے تہران اور اس کی ملیشیائوں کو کمزور کرنے کے لیے، مقدار اور معیار دونوں لحاظ سے شام پر فضائی حملوں کو تیز کر دیا ہے۔انہوں نے مزید کہا کہ اسرائیل ایرانی جوہری معاہدے سے متعلق کسی بھی صورت حال میں عمل کی آزادی کو برقرار رکھے گا۔ انہوں نے کہا کہ ایران کے ساتھ ویانا میں ایک نیا جوہری معاہدہ طے کرنے کے لیے جو کچھ ہو رہا ہے وہ ایک غلطی ہے۔انہوں نے کہا کہ اگر (ایران اور بڑی عالمی طاقتوں کے درمیان) کوئی نیا معاہدہ ہوتا ہے تو اسرائیل اس کا پابند نہیں ہوگا۔ایران کے بارے میں ایک سوال کے جواب میں بینیٹ نے مزید کہا کہ ہم ایران کا مقابلہ کرنے کے لیے اپنی فوجی صلاحیتوں کو مضبوط کرنے کے لیے اربوں کی سرمایہ کاری کر رہے ہیں۔

موضوعات:اسرائیل