اسلام آباد (مانیٹرنگ ڈیسک)وزیراعظم عمران خان کی زیرصدارت حکومتی ترجمانوں کااجلاس ہوا،وزیراعظم نے کہا کہ اپوزیشن کی اےپی سی ریاستی اداروں کوبدنام کرنےکی کوشش تھی، پاکستان کی مسلح افواج قومی سلامتی کی ضامن ہیں، کئی ممالک کمزورفوج کے باعث تباہ ہوئے۔

عمران خان کا کہنا تھا کہ ن لیگ نےایک بارپھربھارتی ایجنڈےکوفروغ دیا، یواین اجلاس سےپہلےافواج کوبدنام کرنابھارتی سازش کاحصہ ہے، بیرون ملک ایک پوری لابی پاک فوج کےخلاف سرگرم عمل ہے۔انھوں نے مزید کہا کہ بھارت پاکستانی اداروں اورملک میں عدم استحکام چاہتاہے اور جنرل اسمبلی اجلاس سےقبل دنیاکی توجہ کشمیر سے ہٹانا چاہتا ہے۔اجلاس کے شرکاء کا کہنا تھا کہ لیگی قیادت کواپنی مرضی کےجج اور افسران پسندہیں، تاریخ گواہ ہےنوازشریف اداروں کےسربراہان لاتے ہیں،پھران سے لڑتےہیں، اپوزیشن جماعتوں کا مقصد صرف اقتدار کا حصول ہے۔ وزیراعظم عمران خان کی زیرصدارت اجلاس ہوا ۔نوازشریف کی تقریر کو بھارتی بیانیہ قرار دیتے ہوئے اداروں کے خلاف بیان بازی کی سخت مذمت کی، عمران خان نے کہا ہے کہ پاکستان کی مسلح افواج قومی سلامتی کی ضامن ہیں۔نجی ٹی وی کی رپورٹ کے مطابق وزیراعظم عمران خان کی زیرصدارت حکومتی ترجمانوں کااجلاس ہوا، جس میں ملکی سیاسی صورتحالسمیت اپوزیشن جماعتوں کی اے پی سی ، قرارداد اورنواز شریف کی تقریرکاجائزہ لیا گیا۔حکومتی ترجمانوں نے نوازشریف کی تقریر کو بھارتی بیانیہ قرار دیتے ہوئے اداروں کےخلاف بیان بازی کی سخت مذمت کی ، حکومتی اراکین نے کہا کہ نوازشریف کی تقریردشمن ملک کابیانیہ تھا، اداروں کےخلاف تقریر پر بھارتی میڈیا میں چرچےہوئے ، نواز شریف نے بھارتی پروپیگنڈا اور مؤقف کو پذیرائی دی۔

موضوعات:عمران خان