کشمیر کے مسئلے پر صبر کا پیمانہ لبریز،وزیراعظم اور آرمی چیف نے سیکرٹری جنرل اقوام متحدہ کے سامنے پاکستان کا فیصلہ سنا دیا

  منگل‬‮ 18 فروری‬‮ 2020  |  14:56

اسلام آباد (مانیٹرنگ ڈیسک )معروف صحافی سمیع ابراہیم نے کہا ہے کہ اسرائیل جو مودی کو دوست بنائے پھرتا ہے اسے معلوم نہیں گجرات میں بچے ہٹلر کو ہیرو پڑھتے ہیں ۔باقاعدہ مودی نے بطور وزیراعلیٰ نصاب میں بھی شامل کیا ہے کہ ہٹلر نے جرمنی کو بہت ترقی دی۔اقوام متحدہ کے جنرل سیکریٹری انتونیو گوتریس کے دورہ پاکستان پر تبصرہ کرتے ہوئے سمیع ابراہیم نے دعویٰ کیا ہے سیکرٹری جنرل نے وزیراعظم کو بتایا کہ پاکستان آنے سے قبل مجھے صورتحال کی کشیدگی کا علم نہیں تھا۔انہوں نے وزیراعظم عمران خان کی کئی باتوں پر اتفاق کیا اور عملدرآمد


کی یقین دہانی کرائی۔ سمیع ابراہیم نے کہا کہ سیکرٹری جنرل نے آرمی چیف قمر جاوید باجوہ سے ملاقات کی، جہاں آرمی چیف نے انہیں وعدہ یاد دلاتے ہوئے مسئلہ کشمیر کو حل کرنے کا مطالبہ کیا۔ اقوام متحدہ کے سیکرٹری جنرل نے آرمی چیف کو کہا کہ مسئلہ کشمیر اقوام متحدہ کی قرار دادوں کے مطابق حل ہونا چاہیے ورنہ کشیدگی میں اضافہ ہوگا۔وزیراعظم ا ور آرمی چیف نے اقوام متحدہ کے سیکرٹڑی جنرل کو آگاہ کرتے ہوئے کہا کہ مسئلہ کشمیر پر پاکستان کے صبر کا پیمانہ لبریز ہو رہا ہے، یہ معاملہ گفتگو سے حل نہیں ہو گا ۔


موضوعات: