اسلام آباد(مانیٹرنگ ڈیسک) کبڈی ورلڈ کپ فائنل میں بھارت کو عبرت ناک شکست دینے والی قومی ٹیم کے کپتان پاک فضائیہ کے اہلکار نکلے۔ تفصیلات کے مطابق قومی ٹیم کے کپتان عرفان مانا جٹ کا تعلق پاک فضائیہ سے ہے جو اس وقت وارنٹ آفیسر کے طور پر اپنی خدمات سر انجام دے رہے ہیں ،انہیں سوشل میڈیا پر خوب سراہا جارہا ہے جبکہ فروری میں کبڈی ورلڈکپ

میں پاکستان کی فتح کو گزشتہ سال پاک فضائیہ کی جانب سے بھارتی پائلٹ کی گرفتاری کی شاندار کارروائی سے جوڑا جارہا ہے۔یاد رہے کہ 27 فروری 2019ء کو پاک فضائیہ نے لائن آف کنٹرول (ایل او سی) پار کرنے والے بھارتی مگ 21 بائسن طیارے کو مار گرایا تھا اور اس کے پائلٹ، ونگ کمانڈر ابھی نندن کو پاک فوج کے جوانوں نے گرفتار کر لیا تھا۔