لاہور(این این آئی)پاکستان انٹر نیشنل ائیر لائنز نے رش کے باعث دبئی اور ابو ظہبی کے کرائے میں 6 ہزار روپے تک کا اضافہ کر دیا۔ ذرائع کے مطابق پی آئی اے نے لاہور سے دبئی کا کرایہ 6ہزار روپے اضافے سے 55ہزار سے بڑھا کر 61ہزار روپے کر دیا۔لاہور سے ابوظہبی کا پی آئی اے کی براہ راست پرواز کا کرایہ بھی 55ہزار سے بڑھا کر 61ہزار 200روپے کردیا گیا ہے۔ذرائع کے مطابق رش بڑھنے کی وجہ سے کرایہ میں اضافہ کیا گیا ہے۔ذرائع کے مطابق امسال پی آئی اے کے میڈل ایسٹ کا سب سے ذیادہ کرایہ وصول کیا جا رہا ہے۔پی آئی اے انتظامیہ نے اضافی کرائے کے متعلق ایجنٹس کو آگاہ کر دیا ہے۔