لاہور ( این این آئی) پاکستان پیپلز پارٹی کے چیئرمین بلاول بھٹو زرداری نے سابق وزیر اعظم و مسلم لیگ (ن) کے قائد محمد نواز شریف سے کوٹ لکھپت جیل میں جا کر ملاقات کرنے کا فیصلہ کر لیا ،محکمہ داخلہ کی طرف سے اجازت ملنے کے بعد بلاول بھٹو دیگر پارٹی رہنماؤں کے ہمراہ کل بروز پیر کو ملاقات کریں گے ۔

تفصیلات کے مطابق ملک میں دو بڑی اپوزیشن جماعتوں کے درمیان سیاسی منظر نامے پر بڑی پیشرفت سامنے آئی ہے۔چیئرمین پیپلز پارٹی بلاول بھٹو کوٹ لکھپت جیل میں نواز شریف سے ملاقات کریں گے ۔پیپلز پارٹی نے ملاقات کے لئے محکمہ داخلہ پنجاب کو درخواست دیدی ہے جس میں نواز شریف سے بلاول بھٹو کی ملاقات کی اجازت مانگی گئی ہے۔محکمہ داخلہ پنجاب نے بلاول بھٹو کی درخواست منظور کرتے ہوئے انہیں نوازشریف کی عیادت کی اجازت دے دی ہے ۔ بلاول پیر کے روز 2سے 4بجے کے دوران نوازشریف کی عیادت کے لئے کوٹ لکھپت جیل جائیں گے۔ بلاول بھٹو گزشتہ روز سے لاہور میں موجود ہیں اور انکے ہمراہ، قمرزمان کائرہ ،سینیٹر مصطفی نواز کھوکھر اور جمیل سومرو بھی ملاقات کیلئے جائیں گے۔بلاول بھٹو کوٹ لکھپت جیل میں نوازشریف کی صحت کے بارے میں دریافت کرنا چاہتے ہیں اور وہ اپنے ٹویٹ میں بھی ان کی صحت پر تشویش کا اظہار کرچکے ہیں۔واضح رہے کہ گزشتہ روز وزیراعظم عمران خان اور بلاول بھٹو زرداری نے ایک دوسرے کے خلاف تند و تیز بیانات دیئے تھے۔ پاکستان پیپلز پارٹی کے چیئرمین بلاول بھٹو زرداری نے سابق وزیر اعظم و مسلم لیگ (ن) کے قائد محمد نواز شریف سے کوٹ لکھپت جیل میں جا کر ملاقات کرنے کا فیصلہ کر لیا ،محکمہ داخلہ کی طرف سے اجازت ملنے کے بعد بلاول بھٹو دیگر پارٹی رہنماؤں کے ہمراہ کل بروز پیر کو ملاقات کریں گے ۔

موضوعات:بلاول بھٹو زرداری