اسلام آباد (مانیٹرنگ ڈیسک ) احتجاج کی آڑ میں جلاو گھیروا اور توڑ پھوڑ کرنے والوں کے خلاف وفاقی پولیس کا گرینڈ کریک ڈاون جاری ،مظاہرین کو لیڈ کرنے والے متحرک کمانڈر راجہ منصور کو 9 کارکنوں سمیت گرفتار کر لیا گیا ۔ تفصیلات کے مطابق احتجاج کی آڑ میں جلاو گھیروا اور توڑ پھوڑ کرنے والوں کے خلاف وفاقی پولیس کا گرینڈ کریک ڈاون جاری ہے آئی نائن پو لیس نے رات گئے بڑے آپریشن کے نتیجے میں ،مظاہرین کو لیڈ کرنے والے متحرک کمانڈر راجہ منصور کو 9 کارکنوں سمیت

گرفتار کر لیا ہے ،راجہ منصور نے نوجوانوں کو توڑ پھوڑ اور پرتشدد کاروائیوں کے لئے اکسایا اور انہیں ڈنڈے فراہم کئے۔تھانہ آئی نائن پولیس نے فیض آباد توڑ پھوڑ کی وڈیو بھی حاصل کی ہے جس میں راجہ منصور ہدایات دے رہا ہے۔ پولیس کے مطابق راجہ منصور سمیت 10 سے زائد متحرک رہنماوں کے اور 100 سے زائد کاکنوں کے خلاف دہشت گردی اور دیگر دفعات کے تحت مقدمات درج ہیں۔گرفتار ملزموں کو انسداد دہشت گردی کی خصوصی عدالت میں پیش کیا جائے گا۔

موضوعات:احتجاج اسلام آباد گرینڈ آپریشن