لاہور(نیوز ڈیسک) سپریم کورٹ کے تاحیات نا اہلی کے فیصلے کے بعد مسلم لیگ (ن) کے اہم مرکزی رہنماؤں نے سابق وزیر اعظم وپارٹی قائد محمد نواز شریف سے ٹیلیفونک رابطے کر کے بھرپور اظہار یکجہتی اور مشکل وقت میں ساتھ دینے کے عزم کا اظہار کیا ۔ ذرائع کے مطابق سپریم کورٹ کے فیصلے کے بعد پارٹی کی پہلی صف کے رہنماؤں نے نواز شریف

کو ٹیلیفون کر کے نہ صرف اس فیصلے پر اپنے تحفظات کا اظہار کیا بلکہ پارٹی قائد سے اظہار یکجہتی کرتے ہوئے انہیں یقین دہانی کرائی کہ وہ مشکل کی اس گھڑی میں ان کے شانہ بشانہ ہیں۔ ذرائع کے مطابق سپریم کورٹ کے حالیہ فیصلے کے بعد پارٹی کا اہم اجلاس بھی بلایا جائے گا جس میں آئندہ کے حوالے سے حکمت عملی مرتب کی جائے گی ۔

موضوعات:تاحیات نا اہلی