اسلام آباد (مانیٹرنگ ڈیسک) اسلام آباد ہائی کورٹ نے آل پاکستان مسلم لیگ کے صدر ڈاکٹر امجد کی مبینہ خفیہ شادی کے حوالے سے دائر درخواست پر فیصلہ محفوظ کر لیا ۔جمعہ کو عدالت عالیہ کے جسٹس شوکت عزیز صدیقی پر مشتمل سنگل بینچ نے ڈاکٹر امجد کی مبینہ بیوی روزینہ کی درخواست پر سماعت کی ۔سماعت کے دوران عدالتی حکم پر ڈاکٹر امجد عدالت

کے روبرو پیش ہوئے ۔ڈاکٹر امجد نے کھلی عدالت میں قرآن پر ہاتھ رکھ کر روزینہ سے ازدواجی رشتہ نہ ہونے کا حلف دیا تو روزینہ بی بی نے بھی قرآن پاک پر ہاتھ رکھ کر ڈاکٹر امجد کی بیوی ہونے کا حلف دیا۔ کھلی عدالت میں حلف کے بعد عدالت نے دونوں کو تحریری بیان حلفی جمع کرانےکا حکم دیتے ہوئے روزینہ بی بی کی درخواست پرفیصلہ محفوظ کرلیا ہے۔

موضوعات:ڈاکٹر امجد