اسلام آباد (این این آئی)انصاف کے رہنما نعیم الحق نے اسحاق ڈار سے استعفے کا مطالبہ کرتے ہوئے کہا ہے کہ جیل ان کا مقدر بن چکی ہے۔میڈیا سے گفتگو کرتے ہوئے تحریک انصاف کے رہنما نعیم الحق نے کہا کہ ہمارا حکومت اور نظام سے اعتماد اٹھ چکا ہے ٗنعیم الحق نے کہا کہ (ن) لیگ کی حکومت نے نظام میں بے شمار خامیاں پیدا کرکے اسے تباہی کی راہ پر جھونک دیا،

معیشت تباہ ہوگئی ہے اور اس سال پاکستان نے جو قرض واپس کرنے ہیں اس کے آدھے پیسے بھی نہیں۔انہوں نے کہا کہ اسحاق ڈار کو شرم نہیں آتی ٗ انہیں فوری استعفیٰ دینا چاہیے تھا ٗہمیں یقین ہے جیل اسحاق ڈار کا مقدر بن چکی ہے۔پی ٹی آئی رہنما کا کہنا تھا کہ ایاز صادق کے نوازشریف کے استقبال کے لیے جانے سے ثابت ہوگیا کہ اسپیکر کا عہدہ ان کے اقتدار کو طول دینے کے لیے

استعمال کیا جارہا ہے، یہ ہتھکنڈے جمہوری نظام کو نقصان پہنچانے کے لیے ہیں، ہم دیکھیں گے آئندہ دنوں میں نوازشریف کا رویہ کیسا رہتا ہے۔نعیم الحق نے کہا کہ عوام کو اپنی پسند کی حکومت منتخب کرنے کا موقع دیا جائے، نئے انتخابات کرانے کے لیے گنجائش ہے، الیکشن کمیشن جوڈیشل کمیشن کی سفارشات اور ہماری سفارشات پر عمل کرکے انتخابات کو شفاف بنائے۔

موضوعات:نعیم الحق