اسلام آباد (مانیٹرنگ ڈیسک) نجی ٹی وی بول نیوز کے اینکرپرسن عامر لیاقت اور وقار ذکاء کے بارے میں یہ افواہیں گردش کر رہی ہیں کہ وہ میانمار امیگریشن حکام کی حراست میں ہیں۔ تفصیلات کے مطابق نجی ٹی وی بول نیوز کے مطابق ڈاکٹر عامر لیاقت میانمار میں ہیں جس کی تصدیق انہوں نے ایک ویڈیو پیغام جاری کر کے دی مگر اس ویڈیو پیغام کے بعد سے ان سے رابطہ نہیں ہو پا رہا

اور خدشہ ظاہر کیا جا رہا ہے کہ انہیں امیگریشن حکام نے گرفتار کر لیا ہو گا کیونکہ میانمار حکومت صحافیوں کو مسلمانوں کے علاقے تک جانے سے روکنے کی ہر ممکن کوشش کر رہی ہے تاکہ اس کا مکروہ چہرہ میڈیا بے نقاب نہ کر سکے۔ دوسری طرف وقار ذکا کے بارے میں بھی سوشل میڈیا پر افواہیں گردش کر رہی ہیں کہ وہ بھی میانمار گئے ہیں تاہم ان کے بارے میں ابھی کچھ پتہ نہیں۔

موضوعات:ڈاکٹر عامر لیاقت