کراچی (این این آئی)پیپلزپارٹی کراچی ڈویژن کے صدر ڈاکٹرعاصم حسین نے کہا ہے کہ چودھری نثارعلی خان عہدہ چھوڑنے والوں میں سے نہیں ہیں میں نے انہیں بددعا دی تھی۔پاناما کیس کے فیصلے پر لوگوں کو خوش نہیں ہونا چاہئے کیونکہ اور بھی لوگ زد میں آئیں گے۔ ہفتہ کو احتساب عدالت میں میڈیا سے گفتگوکرتے ہوئے انہوں نے کہا کہ (ن) لیگ کا مستقبل

کچھ اچھا دکھائی نہیں دے رہا ،مجھے پکڑ کر میرے خلاف ریفرنس بنایا گیا اور شریف فیملی فیصلہ آنے کے باوجود مزے سے گھوم رہی ہے، انہوں نے کہا کہ چیئرمین نیب کو اخلاقی طور پر استعفیٰ دے دینا چاہئے، انہوں نے کہا کہ فیصلے پر لوگوں کو خوش نہیں ہونا چاہئے کیونکہ اور بھی لوگ زد میں آئیں گے، چور پولیس کا کیس ہرجمہوریت میں ہوتا ہے۔

موضوعات:چوہدری نثار ڈاکٹر عاصم