پشاور(آئی این پی )عوامی نیشنل پارٹی کے صوبائی صدر امیرحیدرہوتی نے کہاہے کہ مردان کے ضلعی ناظم حمایت اللہ مایار نے مشال خان قتل کیس میں غیر مشروط طور پر معافی مانگی ہے اور اس بات کا اعادہ کیاہے کہ وہ پارٹی ڈسپلن کی خلاف ورزی نہیں کرینگے۔پشاورمیں میڈیاکوبریفنگ دیتے ہوئے امیرحیدرہوتی نے کہاکہ مشال خان قتل کیس میں مردان کے ضلع ناظم حمایت اللہ  نے جوبیان دئیے تھے وہ پارٹی پالیسی کے مطابق نہیں تھے

امیرحیدرہوتی نے کہاہے کہ مردان کے ضلعی ناظم حمایت اللہ مایار اگرچہ وہ قتل میں ملوث نہیں تھے تاہم ان کے بیانات پارٹی پالیسی کی عکاسی نہیں کررہے تھے جس کے بعد انہیں شوکازنوٹس جاری کیاگیا اور جواب میں انہوں نے غیرمشروط طور پر معافی مانگی ہے کہ وہ مستقبل میں پارٹی ڈسلپن کی خلاف ورزی نہیں کریگا اور تمام اختلافی نوٹ کو پارٹی فورم پر بیان کریگا نہ کہ میڈیامیں اچھالے گا۔

موضوعات:مشال خان