اسلام آباد(مانیٹرنگ ڈیسک)بھارتی خفیہ ایجنسی ’’را‘‘ کے لیے کام کرنے والا کراچی پولیس کا افسر گرفتار ،نجی ٹی وی کے مطابق پولیس حکام کا کہنا ہے کہ ایس آئی یو پولیس اور حساس ادارے نے کراچی کے علاقے گلستان جوہر میں کارروائی کر کے بھارتی خفیہ ایجنسی را کے لیے کام کرنے والے کراچی پولیس کے اے ایس آئی کو گرفتار کیا۔حکام کے مطابق اے ایس آئی شہزاد پرویز شارع فیصل تھانے میں تعینات تھا۔

ملزم کے قبضے سے دو دستی بم بھی برآمد ہوئے۔پولیس حکام کا بتانا ہے کہ گرفتار پولیس افسر دہشت گردی کی کارروائیوں میں بھی ملوث ہے، پولیس اہلکار ٹارگٹ کلرز کی ٹیم کا اہم رکن بتایا جاتا ہے۔حکام کا مزید کہنا ہے کہ گرفتار ملزم ایم کیوایم لندن سے وابستہ ہے اور گلستان جوہر کا رہائشی ہے، ملزم کو محمود صدیقی گروپ کی جانب سے بھاری رقم فراہم کی جا رہی تھی۔ مزید تحقیقات شروع کر دی گئی ہیں۔اہم انکشافات کی توقع ہے۔

موضوعات:را