سرگودھا(این این آئی)وزیراعظم عمران خان کے اعلان پر غریب اورمستحق گھرانوں کے لیے احساس پروگرام کا آغاز کیا گیا اور لوگوں کو ایک ایس ایم ایس سہولت دی گئی جس پر میسج کرنے والوں کا کہنا ہے کہ یہ کسی مذاق سے کم نہیں۔زرائع کے مطابق وزیراعظم عمران خان کی جانب سے غریب اور مستحق خاندانوں کے احساس پروگرام میں لوگوں سے کہا گیا کہ مستحق افراد اپنا قومی شناختی کارڈ 8171 پر مسیج کریں۔ جس پر سرگودھا سمیت ریجن بھر کے درجنوں مستحق اور

غریب گھرانوں نے اپنا قومی شناختی کارڈ نمبر اس پر مسیج کئے جن کا جواب برائے مہربانی احساس ایمرجنسی پروگرام کی رجسٹریشن کے لئے اپنی متعلقہ ضلع انتظامیہ سے رابطہ کریں اور جب شہری متعلقہ ضلع انتظامیہ کے دفاتر پہنچنے تو وہاں ڈیوٹی پر کوئی آفیسر موجود نہیں اور عملہ کا کہنا ہے کہ ہمارا اس سے کوئی لینا دینا نہیں اس کے باوجود لوگ لاک ڈائون کے دوران بھی مختلف سرکاری دفاتروں کے چکر کاٹنے پرمجبور ہو گئے جن کا کہنا ہے کہ یہ وزیراعظم کا عوام کے ساتھ کسی مذاق سے کم نہیں۔