راولپنڈی(آن لائن)آرمی چیف جنرل قمر جاوید باجوہ نے لاہور کی باہمت بیٹی فجر کو پاک فوج کے زیر انتظام نوکری دے دی اور اعلیٰ تعلیم دلوانے کا بھی وعدہ کردیا۔ پاک فوج کے شعبہ تعلقات عامہ آئی ایس پی آر کے مطابق سوشل میڈیا پر وائرل ہونے والی ویڈیو پر آرمی چیف نے ایکشن لیتے ہوئے لاہور کی
باہمت و معذور بیٹی فجر کو پاک فوج کے زیر انتظام نوکری دے دی گئی اور آرمی چیف کی ہدایت پر اس باہمت بیٹی کو مزید تعلیم کا موقع بھی دیا جائے گا آرمی چیف جنرل قمر جاوید باجوہ نے کہا کہ فجر جیسی بیٹیاں ہمارے لیے اور پورے قوم کیلئے مشعل راہ اور ہمت کا نشان ہیں ایسی بیٹیاں ملک کیلئے فخر ہیں۔
