رحیم یار خان (مانیٹرنگ ڈیسک) رحیم یار خان میں پولیس لائن کے قریب مشکوک شخص نے خود کو دھماکے سے اڑالیا ،واقعے میں 2اہلکار زخمی ہوئے ہیں۔ڈی پی او ذیشان اصغر کے مطابق دھماکا شفیع ٹاؤن میں واقع سی ٹی ڈی کے دفتر کے باہر کھڑی موبائل کے پاس ہوا ہے،دھماکے میں زخمی ہونے والے اہلکاروں کو شیخ زید اسپتال منتقل کردیا گیا ہے۔انہوں نے مزید بتایا کہ مشکوک شخص پر پولیس نے فائرنگ کی ،جس پر اس نے خود کو دھماکے سے اڑا لیا ،خود کش حملے کے بعد پولیس کی بھاری نفری نے علاقے کو گھیرے میں لے لیا ہے۔