برسلز(این این آئی)یورپی کمیشن کے سربراہ ڑاں کلود یْنکر نے میانمار کے بحران کی سخت الفاظ میں مذمت کی ہے۔غیرملکی خبررساں ادارے کے مطابق یْنکر نے ایک بیان میں کہاکہ میانمار کے واقعات حقیقت میں ایک دہشت ناک تباہی ہیں کیونکہ ایک مرتبہ پھر لوگ ایک اقلیت کو صفحہ ہستی سے مٹانے کی کوششوں میں ہیں۔ ان کے مطابق جائزہ لیا جا رہا ہے کہ یورپ اس بحران کے حل میں کس طرح مدد کر سکتا ہے۔ اس موقع پر یورپی

پارلیمان نے بھی میانمار کے سلامتی کے اداروں سے ہلاکتیں روکنے، روہنگیا کو ڈرانے دھمکانے اور جنسی زیادتی کا نشانہ بنانے کے علاوہ ان کے گھر نذر آتش کرنے کے سلسلے کو فوری طور پر روکنے کا مطالبہ کیا ہے۔

موضوعات:صدریورپی کمیشن