کراچی ، اسلام آباد(آن لائن )پاکستان کرکٹ ٹیم کے سابق کپتان اور جارحانہ آل رانڈر شاہد خان آفریدی سندھ کے سیلاب زدہ خاندانوں کی مدد کو پہنچ گئے ہیں۔سماجی رابطے کی ویب سائٹ ٹوئٹر پر آفریدی نے سندھ میں ریسکیو آپریشن شروع کرنے میں مدد کرنے پر اپنی فائونڈیشن

کے ڈونرز کا شکریہ ادا کیا۔شاہد آفریدی فائونڈیشن (SAF) سیلاب سے متاثرہ خاندانوں کو خوراک اور ادویات فراہم کرنے کے لیے سندھ کے پانچ اضلاع میں پہنچ گئی ہے۔اس سے قبل سیف نے بلوچستان کے سیلاب زدہ علاقوں میں ریلیف آپریشن شروع کیا، کرکٹر اپنے مداحوں کو SAF کے کام کے بارے میں اپ ڈیٹ کرتے رہے۔خیال رہے کہ انٹرنیشنل کرکٹ سے ریٹائرمنٹ کے بعد آفریدی سماجی کاموں میں لگ گئے، انہوں نے کورونا کے مشکل وقت میں بھی لوگوں کی خدمت کی۔دوسری جانب وفاقی وزیر برائے ماحولیاتی تبدیلی سینیٹر شیری رحمان نے کہا ہے کہ احتجاج کیلئے عوام کا سمندر نکالنے کا اعلان کرنے والے کو لاکھوں بے گھر سیلاب متاثرین نظر نہیں آرہے،پورا ملک ڈوب جائے اس کوئی فکر نہیں ،بس انہیں اپنی سیاست بچانی ہے۔جمعرات کے روز اپنے ایک بیان میں وفاقی وزیر شیری رحمان نے کہا کہ ملک بھر میں بارشوں اور سیلاب کی تباہ کاریوں میں 9 سو سے زائد افراد جاں بحق ہوئے ہیں،ملک کا کوئی ایس حصہ نہیں جو بارشوں اور سیلاب کی زد میں نا ہو،افسوس ہے کہ اس صورتحال کے باوجود خیبر پختون اور پنجاب میں سیلاب زدگان کی مدد کے بجائے عمران خان نے کل ہری پور میں جلسہ کیا۔

موضوعات:شاہد آفریدی