دبئی/جوہانسبرگ(این این آئی) انٹرنیشنل کرکٹ کونسل نے نسل پرستانہ جملے کسنے پر قومی کرکٹ ٹیم کے کپتان سرفراز احمد پر 4 میچز کی پابندی عائد کردی۔ذرائع کے مطابق آئی سی سی نے پاکستانی کپتان سرفراز احمد پر 4 میچز کی پابندی عائد کردی جس کے بعد وہ ممکنہ طور پر 2 ون ڈے اور 2 ٹی ٹوئنٹی میچز نہیں کھیل سکیں گے۔یاد رہے کہ جنوبی افریقا کے خلاف دوسرے ایک روزہ میچ میں سرفراز احمد نے جنوبی افریقا کے سیاہ فام کھلاڑی اینڈائل فیلوک وایو کو نسلی تعصب پر مبنی جملہ کہا تھا جو

انہوں نے سنا بھی نہیں۔سرفراز احمد نے اپنے جملے پر کھلاڑی سے معافی مانگی اور انہیں اینڈوائل فیلوک وایو نے معاف بھی کیا تاہم اس کے باوجود آئی سی سی نے کپتان سرفراز احمد پر 4 میچز کی پابندی لگادی۔دوسری جانب پاکستانی ٹیم کی کپتانی کے فرائض شعیب ملک نے سرانجام دیئے ۔قومی ٹیم کی قیادت کرنے والے شعیب ملک نے ٹاس جیت کر پہلے پروٹیز کو بیٹنگ کی دعوت دی۔پروٹیز کے خلاف انتہائی اہم میچ میں کچھ تبدیلیاں کی گئی ہیں، حسن علی کی جگہ عثمان خان شنواری کو شامل کیا گیا ۔

موضوعات:سرفراز احمد