اسلام آباد(مانیٹرنگ ڈیسک) آئی سی سی چیمپئنز ٹرافی میں پاکستان کی سپورٹس رپورٹر زینب عباس بھی چھائی ہوئی ہیں ۔انہوں نے جس کھلاڑی کیساتھ بھی سیلفی لی ہے وہ اپنا میچ ہار جاتی ہے ۔بھارتی میڈیا نے الزام عائد کیا کہ ایسا ہی کچھ اے بی ڈویلیئرز اور ویرات کوہلی کیساتھ بھی ہوا۔

آج پاکستان اور سری لنکا کا میچ ہونے جارہا ہے جس سے پہلےانہوں نے اینجلو میتھیوز کیساتھ سیلفی بنا کر سوشل میڈیا پر اپ لوڈ کر دی ہے۔زینب عباس کیجانب سے یہ تصویر اپ لوڈ ہوتے ہی اسے بہت زیادہ پسند اور ری ٹویٹ کیا جا رہا ہےاور مزے مزے کے کمنٹس آرہے ہیں واضح رہے کہ اس سے پہلے پاکستانی خاتون کو چیمپئنز ٹرافی میں شریک بلے بازوں کیلئے منحوس قرار، ویرات کوہلی اور اے بی ڈویلئیرز کے صفر پر آئوٹ ہونے کا ذمہ دار قرار دیدیا گیا۔ تفصیلات کے مطابق آئی سی سی چیمپینز ٹرافی میں سری لنکا کے خلاف میچ کے دوران بھارتی کرکٹ ٹیم کے کپتان ویرات کوہلی 0 پر آؤٹ ہوئے تو بھارتیوں نے اس کا ملبہ ایک پاکستانی لڑکی پر گرا دیا اور کہا ہے اس کی وجہ سے ویرات کوہلی کی کارکردگی خراب ہو گئی ہے۔کوہلی نے پاکستان کے خلاف میچ میں شاندار کارکردگی کھائی تھی تاہم سری لنکا کے خلافوہ کھاتہ کھولے بغیر ہی پویلین لوٹ گئے اور اس کا قصور وار کسی اور کو نہیں بلکہ پاکستانی خاتون صحافی زینب عباس کو ٹھہرایا جا رہا ہے۔ بھارتی مداحوں اور میڈیا کے مطابق جب سے زینب عباس نے ویرات کوہلی کے ساتھ سیلفی لی ہے تب سے ان کی کارکردگی خراب ہو گئی ہے اور اس کے ثبوت کے طور پر وہ اے بی ڈویلیئرز کی مثال پیش کرتے ہیں جو پاکستان کے خلاف میچ میں اپنے کیرئیر کے دوران پہلی مرتبہ گولڈن ڈک پر آؤٹ ہوئے اور میچ سے پہلے زینب عباس نے ان کیساتھ بھی سیلفی بنائی تھی۔

موضوعات:زینب عباس