ممبئی (این این آئی)بھارتی شہریت حاصل کرنے والے عدنان سمیع خان بھارت سے اپنی وفاداری ثابت کرنے کا کوئی موقع ہاتھ سے جانے نہیں دیتے، کہتے ہیں کہ ان کی بیٹی بھارتی شہری کی کہلائے گی۔ بھارتی میڈیا رپورٹس کے مطابق گلوکار عدنان سمیع خان سے ایک انٹرویو میں ان کی بیٹی کی جرمنی میں پیدائش کے بعد اس کی شہریت کے حوالے سے پوچھا گیا تو انہوں نے کہا کہ اگر ان کی بیٹی کی پیدائش جرمنی میں

ہوئی ہے تو اس سے کیا فرق پڑتا ہے؟ وہ کہیں بھی پیدا ہوئی ہو بھارتی ہی کہلائے گی۔ گلوکار نے کہا کہ کچھ عرصے بعد جب ان کی اہلیہ رویا بیٹی کے ہمراہ بھارت واپس آئینگی تو بیٹی کی شہریت کے لیے کاغذی کارروائی کریں گے۔ان کا کہنا تھا کہ ممبئی میرا گھر ہے، بیٹی کی پیدائش جرمنی میں اس لیے ہوئی کہ اہلیہ کا خاندان وہیں مقیم ہے اور گلوکاری کے باعث میرے دیگر ممالک کے دوروں کے باعث سسرال والے اہلیہ کی دیکھ بھال کر رہے تھے۔

موضوعات:بھارت عدنان سمیع