واشنگٹن/یروشلم (آ ئی این پی ) امریکہ نے کہا ہے کہ شام نے کیمیائی ہتھیاروں کا کچھ حصہ بچا کر رکھا ہوا ہے، شامی صدر دوبارہ کیمیکل ہتھیار استعمال کرنے کی کوشش نہ کریں ، اِس کے خطرناک نتائج سامنے آ سکتے ہیں۔ غیر ملکی میڈیا کے مطابق امریکا کے وزیر دفاع جیمز میٹِس کے مطابق اس میں کوئی شک نہیں ہے کہ شام نے کیمیائی ہتھیاروں کا کچھ حصہ بچا کر رکھا ہوا ہے۔ اسرائیل کے دورے پر گئے ہوئے امریکی

وزیر دفاع نے شامی صدر کو متنبہ کیا کہ وہ دوبارہ کیمیکل ہتھیاروں کو استعمال کرنے کی کوشش مت کریں کیونکہ اِس کے خطرناک نتائج سامنے آ سکتے ہیں۔ ان خیالات کا اظہار انہوں نے اسرائیلی وزیر دفاع ایویگڈور لیبرمین کے ساتھ ایک مشترکہ پریس کانفرنس میں کیا۔ میٹِس نے پریس کانفرنس میں کہا کہ چار اپریل کو شامی حکومت نے کیمیائی ہتھیار استعمال کر کے سلامتی کونسل کی قراردادوں کی خلاف ورزی کی تھی۔

موضوعات:امریکہ کیمیائی ہتھیار