اسلام آباد(مانیـٹرنگ ڈیسک )ملک میں ایمرجنسی نافذ کر دیں تو ایک سال کیلئے پانامہ سے جان چھوٹ جائے گی۔سینئر صحافی و تجزیہ نگار ڈاکٹر شاہد مسعود کا وزیراعظم کو دیئے جانے والے پیغام بارے تہلکہ خیز انکشاف۔ تفصیلات کے مطابق سینئر صحافی و تجزیہ نگار ڈاکٹر شاہد مسعود نے نجی ٹی وی پر اپنے پروگرام میں تہلکہ خیز انکشاف کرتے ہوئے بتایا ہے وزیراعظم ہائوس کو باہر سے ایک میسج بھیجا گیا ہے جس میں کہا گیا ہے کہ اگرآپ ملک میں

ایمرجنسی نافذکردیں توپانامہ کیس کی سماعت ایک سال تک ملتوی ہوسکتی ہے۔ڈاکٹرشاہد مسعود کا کہنا تھا کہ میں نے باہر سے آئے پیغام کو وزیراعظم ہائوس پہنچنے سے پہلے کیچ کرلیااورمیں عوام سے یہ بات شیئرکررہاہوں اورمیڈیاکے ذریعے وزیراعظم ہائوس تک پہنچارہاہوں ۔سینئر صحافی و تجزیہ نگار ڈاکٹر شاہد مسعود نےپروگرام میں ماہر قانون شاہ خاور کو شامل کرتے ہوئے ان سے جب یہ پوچھا کہ کیا وزیراعظم ان حالات میں ایمرجنسی لگا سکتے ہیں تو ماہر قانون شاہ خاور کا کہنا تھا کہ کہ آئین کے آرٹیکل 232اور233کے مطابق وزیراعظم کی ہدایت کے مطابق صدرپاکستان ایمرجنسی ملک میں لگاسکتے ہیںاوروہ صرف اس صور ت ممکن ہے جب وفاقی اور تمام صوبائی حکومتیں ملک میں امن وامان قائم نہیں رکھ سکتی ۔صدروزیراعظم کی تجویز پر ملک میں ایمرجنسی نافذ کرنے کیلئے ایک حکم نامہ جاری کرتے ہیں اور اس حکم نامہ کودس دن کے اندراندرپارلیمنٹ کے مشترکہ اجلاس سے منظورکراناہوتاہے۔

موضوعات:ایمرجنسی پانامہ کیس پیغام شاہ خاور ماہر قانون