اسلام ڈیسک( مانیٹرنگ ڈیسک ) قطر نے فیفا ورلڈ کپ کیلئے خریدی گئی بسیں عطیہ کرنے کا فیصلہ کرلیا۔ گلف نیوز کے مطابق لبنانی میڈیا نے رپورٹ کیا ہے کہ قطر ورلڈ کپ کے دوران شائقین کی نقل و حمل کے لیے استعمال ہونے والی بسیں لبنان کو عطیہ کرے گا تاکہ ملک کے ٹرانسپورٹ سیکٹر کی مدد کی جا سکے۔

اس مقصد کے لیے لبنان کے وزیراعظم نجیب میقاتی نے ورلڈ کپ کے موقع پر قطری حکام سے اس معاملے پر بات چیت کی، جنہیں یہ خیال دوحہ کی جانب سے ترقی پذیر ممالک کو ورلڈ کپ سے متعلق کچھ بنیادی ڈھانچہ عطیہ کرنے کی خواہش سے متاثر ہوکر آیا۔بتایا گیا ہے کہ قطریوں نے بیروت میں کھیلوں کے شہر اور بعض میونسپل سٹیڈیمز کے لیے موزوں نشستیں فراہم کرنے کی پیشکش کی تاہم لبنانی فریق نے لبنان کو بسیں فراہم کرنے کی خواہش کا اظہار کیا، میقاتی نے قطر کے وزیر خارجہ محمد بن عبدالرحمن بن جاسم الثانی کے ساتھ اس پر بات چیت کی، جو لبنان سمیت کچھ ممالک کے ساتھ سیاسی تعلقات کے علاوہ قطر کے لیے بیرونی سرمایہ کاری فنڈ کا انتظام کرتے ہیں ۔معلوم ہوا ہے کہ قطرنے تقریباً3,000 بسیں خریدی ہیں، اس کے علاوہ اس کے پاس پہلے سے موجود 1000 بسیں بھی ہیں، جو ایونٹ کے دوران شائقین کو مفت لے جانے کے لیے استعمال کی گئیں، اگرچہ قوانین اس طرح کے قدم کی اجازت دیتے ہیں لیکن اس معاملے کو نجی کمپنیوں کے ساتھ طے کرنے کی ضرورت ہو سکتی ہے جو نجی ٹرانسپورٹ سیکٹر میں کارکنوں کے ذریعہ استعمال ہونے والی ان گاڑیوں کی مالک ہیں۔

موضوعات:فیفا ورلڈ کپ