پشاور(این این آئی)قومی گیمز کیلئے خیبر پختونخوا بیس بال ٹیم کے انتخاب کے لئے ٹرائلز 27 ستمبر کو صبح 10 بجے قیوم سپورٹس کمپلیکس پشاور میں منعقد کئے جائیں گے۔خیبر پختونخوا بیس بال ایسوسی ایشن ڈاکٹر نعمان الحق کے مطابق ٹرائلز میں نشنل گیمز کے لئے دو بہترین ٹیموں کا انتخاب کیا جائے گا،میل اور فیمل ٹیموں کے انتخاب کے لئے خالد خان، مس رحم بی بی ،ضم اضلاع سے نصیب گل اور سپورٹس ڈائریکٹریٹ سے عزیزاللہ جان ہونگے۔ٹرائلز میں 24 میل اور 24 فیمل
کھلاڑیوں کا انتخاب کیا جائے گا۔جو یکم اکتوبر سے 24 اکتوبر تک منعقدہ کیمپ کا حصہ ہونگے۔انہوں نے کہا کے ضم اضلاع میں بیس بال کا ٹیلنٹ موجود ہے اور حال ہی میں ضم اضلاع سے تعلق رکھنے والے 5 کھلاڑیوں نے چین میں پاکستان کی نمائندگی کی جبکہ پانچ بیس بال کے کھلاڑیوں کا تعلق صوابی سے ہے۔انہوں نے کہا کہ تمام انٹرنیشنل کھلاڑیوں کے نشنل گیمز کے لئے ٹیم کا حصہ بنایا جائے گا، خیبر پختونخوا کے خواتین بیس بال کی ٹیم بھی ٹاپ ٹیموں میں شمار کیا جاتا ہے۔
