ٹورنٹو (این این آئی)کینیڈا میں جاری گلوبل ٹی20 ٹورنامنٹ میں جارح مزاج ویسٹ انڈین بلے باز کرس گیل پاکستانی لیگ اسپنر شاداب خان کیلئے ڈراؤنا خواب بن گئے اور ان کے ایک اوور میں 32رنز بنا دئیے۔ گزشتہ رات 122 رنز کی اننگز کھیلنے والے گیل نے اپنی عمدہ فارم کا سلسلہ جاری رکھا

اور شاندار اننگز کھیل کر ایڈمنٹن رائلز کو فتح سے ہمکنار کرا دیا۔وینکوور نائٹس نے ایڈمنٹن کو فتح کے لیے 166رنز کا ہدف دیا جس کے تعاقب میں محمد حفیظ کی گیند پر ایڈمنٹن کی ٹیم پہلے ہی اوور میں وکٹ گنوا بیٹھی تاہم اس کے بعد دوسرے اوپنر کرس گیل اور ان کے ساتھی چیڈوک والٹن نے جارحانہ بیٹنگ کرتے ہوئے عمدہ شراکت قائم کی۔شاداب نے میچ کا 13واں اوور کرایا جس میں گیل نے ان کی خوب خبر لیتے ہوئے 32رنز بنائے۔جارح مزاج اوپننگ بلے باز نے پاکستانی اسپنر کے اوور کی پہلی دو گیندوں پر چھکے لگانے کے بعد اگلی دو گیندوں پر چوکے جڑ دیے اور پھر اوور کی آخری دو گیندوں پر چھکے لگا کر میچ کو شاداب کے لیے ڈراؤنا خواب بنا دیا،اگلے اوور میں بین کٹنگ نے 94 رنز بنانے والے گیل کو آؤٹ کر کے لگاتار دوسرے میچ میں سنچری بنانے کے اعزاز سے محروم کردیا تاہم گیل کی شاندار اننگز کی بدولت ایڈمنٹن نے میچ میں باآسانی 6 وکٹوں سے کامیابی حاصل کر لی۔یہ میچ شاداب کے لیے زیادہ اچھا ثابت نہ ہوا جہاں انہوں نے اپنے چار اوورز کے کوٹے میں 66رنز دئیے اور پھر بیٹنگ میں بھی وہ بغیر کوئی رن بنائے پویلین لوٹ گئے۔  کرس گیل پاکستانی لیگ اسپنر شاداب خان کیلئے ڈراؤنا خواب بن گئے اور ان کے ایک اوور میں 32رنز بنا دئیے۔ گزشتہ رات 122 رنز کی اننگز کھیلنے والے گیل نے اپنی عمدہ فارم کا سلسلہ جاری رکھا اور شاندار اننگز کھیل کر ایڈمنٹن رائلز کو فتح سے ہمکنار کرا دیا۔