لندن(سی پی پی)ورلڈ کپ 2019 کی دوڑ سے باہر ہونے کے بعد قومی کرکٹرز کی وطن واپسی کا سلسلہ شروع ہوگیا۔قومی کرکٹرز وطن واپسی کے لیے لندن کے ہوٹل سے ایئر پورٹ کے لیے روانہ ہوگئے جہاں سے وہ الگ الگ پروازوں کے ذریعےکل شب پاکستان پہنچیں گے،کپتان سرفراز احمد اور محمد حسنین کراچی جب کہ بابر اعظم، امام الحق اور آصف علی علامہ اقبال انٹرنیشنل ائیرپورٹ،لاہور پہنچیں گے۔اوپنر فخر زمان، شاہین شاہ آفریدی

شاداب خان اور عماد وسیم اسلام آبادآئیں گے جبکہ حسن علی اور حارث سہیل بھی وطن واپس آرہے ہیں ۔فاسٹ بالر محمد عامر، وہاب ریاض، محمد حفیظ اور شعیب ملک فی الحال انگلینڈ میں ہی قیام کریں گے جبکہ ہیڈ کوچ مکی آرتھر جنوبی افریقا جائیں گے۔ورلڈ کپ کے تین میچز میں شکست کے بعد ایونٹ سے آٹ ہونیوالی قومی ٹیم کی ناکامی کے ذمہ داروں کا تعین کرنے کیلئے کرکٹ کمیٹی رواں ماہ ہونے والے اجلاس میں اہم فیصلے کریگی۔