باربڈوس(اسپورٹس ڈیسک)دھواں دھار بیٹنگ کے لیے مشہور کرس گیل کا کیرئیر اختتام کی جانب بڑھنے لگا ، انہوں نے بھارت اور بنگلا دیش کے خلاف مختصر دورانیے کی کرکٹ کھیلنے سے انکار کر دیا ہے۔کرس گیل ٹیسٹ کرکٹ سے پہلے ہی الگ ہو چکے ہیں ، جبکہ جمیکا میں لسٹ اے کا آخری میچ بھی کھیل چکے اور اب وہ ون ڈے اور ٹی ٹونٹی کرکٹ کے لیئے بھی خود کو محدود کرنے لگے ہیں۔ویسٹ انڈیز کرکٹ نے بھارت کے خلاف
ون ڈے اور ٹی ٹونٹی سیریز کے لیے اسکواڈز کا اعلان کر دیا ہے ۔ویسٹ انڈیز کرکٹ کا کہنا ہے کہ کرس گیل نے بھارت اور بنگلا دیش کے خلاف سیریز کی سلیکشن کے لیے انکار کر دیا ہے لیکن وہ انگلینڈ کے خلاف ہوم سیریز اور ورلڈ کپ کیلئے د ستیاب ہوں گے۔کرس گیل کا کہنا ہے کہ ابھی مجھے اپنی زندگی گزارنے کے لیئے وقت درکار ہے ۔بھارت اور ویسٹ انڈیز کے درمیان 5ایک روزہ اور تین ٹی ٹونٹی میچز کی سیریز کھیلی جائے گی ، جبکہ ون ڈے سیریز کا آغاز 21اکتوبر سے ہوگا۔
