لاہور /کراچی (این این آئی)پاکستان کرکٹ ٹیم کی لارڈز کے تاریخی گراؤنڈ پر انگلینڈ کے خلاف شاندار فتح پر سابق اور موجودہ کرکٹرز نے نوجوان کھلاڑیوں کی تعریفوں کے پل باندھ دئیے۔سابق کپتان اور مایہ ناز آل راؤنڈر شاہد خان آفریدی نے گرین کیپ کے ہاتھوں انگلش ٹیم کی شکست پر ٹوئٹ کرتے ہوئے کہا کہ پاکستان کی شاندار کامیابی،عباس،عامر اور حسن نے عمدہ باؤلنگ اور بیٹنگ لائن نے بہترین فائٹ کی،دلچسپ اور تاریخی فتح دیکھی، پاکستان زندہ باد۔ رمیز راجہ نے سرفراز الیون کی

کامیابی کو کریکر جیک پرفارمنس قرار دیا اور کہا کہ بہت سالوں بعد پاکستان ٹیم نے انگلینڈ کے خلاف قابل یقین کارکردگی دکھائی اور اسے چاروں شانے چت کردیا۔پاکستانی آل راؤنڈ محمد حفیظ نے انگلینڈ کے خلاف لارڈز میں پاکستان کی کارکردگی کو سراہا ، خاص طور پر محمد عباس اور محمد عامر کی باؤلنگ کو ٹارگٹ کے مطابق قرار دیا اور کہا کہ پاکستان اور کرکٹ کے مداحوں کو یہ فتح مبارک ہو۔فاتح ٹیم کے فاسٹ بولر حسن علی نے کہا کہ کرکٹ کے گھر میں زبردست جیت پر فخر محسوس کررہا ہوں ۔

موضوعات:شاہد خان آفریدی