لاہور(مانیٹرنگ ڈیسک) کامران اکمل نے پاکستان سپرلیگ کی تاریخ کی تیز ترین نصف سنچری بنالی۔پاکستان سپر لیگ تھری کے دوسرے ایلیمینیٹر میں پشاور زلمی کی کراچی کنگز کے خلاف بیٹنگ کرتے ہوئے کامران اکمل نے ٹورنامنٹ کی تاریخ کی تیز ترین نصف سنچری بنائی ۔کامران نے اکمل نے اپنی نصف سنچری 17 گیندوں پر اسکور کی۔ اس سے قبل یہ ریکارڈ اسلام آباد یونائیٹڈ کے لیوک رونکی کے پاس تھا۔
کامران اکمل نے عثمان شنواری کے ایک اوور تین چوکوں اور دو چھکوں کی بدولت 25 رنز بنائے۔کامران اکمل نے شانداربیٹنگ کرکے لاہوریوں کے دل جیت لئے ۔کراچی کنگزکے خلاف کامران اکمل نے شانداربیٹنگ کرتے ہوئے کامران اکمل27گیندوں پر8چھکوں اور5چوکوں کی مددسے77رنزبنائے۔کامران اکمل کے ہرچھکے پرشائقین کرکٹ دل کھول کرانکوداددیتے رہے۔پاکستان سپرلیگ سیزن کے دوسرے ایلیمنٹرمیچ بارش سے متاثرہونے کے سبب میچ 16، 16 اوورزفی اننگز تک محدود کیا گیاہے۔16 اوورزفی اننگز کے میچ میں پلیئنگ کنڈیشنز کے مطابق چار بولرز تین تین جبکہ ایک بولر چار اوورز پھینک سکے گا جبکہ پاورپلے کے چھ کے بجائے پانچ اوورزکا ہوگا۔پی ایس ایل کے تیسرے پلے آف میچ میں کراچی کنگز میں شامل آل راونڈ شاہد آفریدی فٹنس مسائل کی وجہ سے شریک نہ ہو سکے۔ کراچی کنگز کی جانب سے کھلاڑیوں کے فٹنس مسائل کی وجہ سے پہلے ہی تین متبادل کھلاڑیوں کو اپنے سکواڈ کا حصہ بنا لیا تھا جن میں مختار احمد، ذوالفقار بابر اور دانش عزیز کو کراچی کنگز میں شامل کیا گیا۔پاکستان سپر لیگ کے تیسرے ایڈشن کے لاہور میں کھیلے جانے والے تیسرے پلے آف میچ کے لیے کراچی کنگز کی قیادت کے فرائض محمد عامر نے سرانجام دیئے۔ کراچی کنگز کے کپتان عماد وسیم کی انجری کے بعد آئن مورگن کو کپتان مقرر کیا گیا تھا تاہم آئن مورگن پاکستان میں پلے آف میچز کے لیے نہیں آئے تھے جس کے بعد محمد عامر کو کراچی کنگز کی قیادت سونپی گئی۔
