اسلام آباد (مانیٹرنگ ڈیسک) کچھ لوگوں کو اپنا حلیہ بدلتے رہنے کی عادت ہوتی ہے ۔ کبھی لباس کا انداز تو کبھی بالوں کے مختلف سٹائل ، کچھ نہ کچھ تبدیل ہوتا ہی رہتا ہے ۔ تازہ ترین میڈیا روپورٹس کے مطابق ویسٹ انڈیز کرکٹ ٹیم کے اوپنر کرس گیل کرسمس کے موقع پر نئے حلیے میں شائقین کے سامنے آگئے جس میں انہوں نے داڑھی رکھی ہوئی ہے ۔ تفصیلات کے مطابق کرس گیل نے سوشل میڈیا پر اپنی تصویر شیئر کی ہے جس میں انکی داڑھی اور مونچھیں ہیں وہ اپنے مخصوص دبنگ انداز میں کھڑے ہوئے ہیں ۔ایک اور تصویر میں وہ اپنی بیوی اور بیٹی بلش کے ساتھ بھی موجود ہیں انھوں نے کرسمس کے حوالے سے اپنے چاہنے والوں کے لیے نیک تمناؤں کا اظہار بھی کیا ہے۔ ذرائع کے مطابق یہ داڑھی انہوں نے کرسمس میں اپنے مداحوں کے لیے رکھی ہے ۔