کولمبو(آئی این پی)کرکٹ ٹیم کا دورہ،سری لنکن حکومت نے پاکستان کو سرپرائز دیدیا،نجم سیٹھی کے دعوے ہوا میں اُڑ گئے، سری لنکا نے واضح کیا ہے کہ وہ باہمی سیریز کیلیے اپنی کر کٹ ٹیم پاکستان بھیجنے کیلئے پی سی بی سے بات چیت نہیں کررہا۔
واضح رہے کہ پی سی بی ایگزیکٹیو کمیٹی کے سربراہ نجم سیٹھی نے گذشتہ دن عندیہ دیا تھا کہ انھوں نے بڑی ٹیسٹ ٹیم کی میزبانی کیلیے ڈیل کو حتمی شکل دے دی جو2009 میں سری لنکن ٹیم پر ہونے والے دہشت گرد حملوں کے بعد کسی اہم ٹیم کا پہلا دورۂ پاکستان ہوسکتا تھا، اس کے بعد سری لنکا اور ویسٹ انڈین بورڈز سے سیریز کیلیے بات چیت کی خبریں دی تھیں۔
باہمی سیریز آئندہ برس پاکستان سپرلیگ کے بعد ممکن ہوسکتی تھی،سری لنکن وزیر کھیل جیاسیکارا ڈیاسری نے اس تاثر کو مستردکرتے ہوئے کہاکہ وہ اپنی نیشنل ٹیم کو آئندہ برس پاکستان بھجوانے کا کوئی منصوبہ نہیں بنا رہے۔
