کسی شخص کا گدھا زخمی اور ناکارہ ہوگیا۔ اس نے اس کو جنگل میں آوارہ چھوڑ دیا، پرندہ اور مکھیاں اس کی رہی سہی کھال کو نوچتی تھیں کسی کو رحم آیا اور وہ اسے گھر لے آیا ۔اس کے پاس شیرکی ایک کھال تھی اس نے وہ کھال اس گدھے کے جسم پر ڈال دی اور کھال کا چہرے والا حصہ گدھے کے منہ پر چڑھا دیا۔ اب گدھا بے فکری سے جنگل میں چرنے لگا ،پرندے ،درندنے سب اسے شیر سمجھ کر اس سے ڈرنے لگے ۔کوئی نزدیک نہ آتا تھا اب کیا تھا
بے فکری کا چرنا اور جنگل کی بادشاہی ،گدھے کے زخم بھی اچھے ہوگئے اور خوب موٹا تازہ بھی ہو گیا ۔گدھے کی خرمستی مشہور ہے جوبن میں آکے خرمستی نے جو زور کیا تو لگے چاروں طرف ڈھینچوں ڈھینچوں لگانے ۔آواز کو سن کر جنگل کے تمام جانوروں میں مشہور ہو گیا کہ یہ کوئی مسخرہ گدھا ہے جو شیر کی کھال زیب تن کر کے اب تک ہمیں دھوکا دیتا رہا اور آخر سب نے جمع ہو کر گدھے کا نقاب اتارا اور آپ کی اصل شکل کو دیکھ کر آپ کو اپنے ٹھکانے پہنچایا۔
