کسی دیو مالائی داستان یا ہالی ووڈ کی کسی فلم کے ایک منظر کی طرح، ایک خفیہ کمرہ ،صدیوں پرانی ایک گمشدہ شہزادی جو اس کمرے میں دفن ہو اور کہانی کا ہیرو اسے اتفاقاََ تلاش کر لے ۔ مشہور مصری حسینہ Nefertiti کی کہانی بھی بالکل اسی طرح مشہور ہے۔ مختلف ماہرینِ آثارِقدیمہ کے اس مصری ملکہ کے بارے میں مختلف رائے رکھتے ہیں ۔ Nefertiti کی پیدائش پر تو بہت سے ماہرین متفق ہیں مگر خوبصورتی کی وجہ سے اپنی

شہرت کے باوجود اس ملکہ کی وفات پر ماہرین خاموش ہیں ۔ ماہرین کے مطابق Nefertiti مصر کے شہنشاہ Akhenaten کی بیوی تھی جو آج بھی ماہرینِ آثارِ قدیمہ لیے معمہ سمجھا جاتا ہے ۔ ماہرین کی اکثریت کے مطابقNefertiti مصر سے تعلق رکھتی تھی جبکہ کچھ کا کہنا یہ بھی ہے کے اس کا تعلق مصر سے نہیں بلکہ کسی اور ملک سے تھا تاہم اس خیال کو زیادہ تقویت حاصل نہیں ہے۔ 15 سال کی عمر میں اس کی شادی Akhenaten سے ہوئی جس سے اسے 6 بیٹیاں اور کچھ کے مطابق ایک بیٹا بھی ہوا۔ بے پناہ اثر رسوخ رکھنے والی اس ملکہ کے کے بارے میں ماہرین جتنا بولتے ہیں اتنا ہی چپ بھی ہیں چونکہ اس کے بارے میں بہت سی باتیں ابھی تک پردے میں ہیں اور جو باتیں واضح ہیں ان کو بھی کچھ ماہرین قیاس تصور کرتے ہیں ۔ ایک ماہر آثارِ قدیمہ کے مطابق اس مشہور مصری حسینہ کامقبرہ ہمارے سامنے ہی مصر کے شہنشاہTut کے مقبرے میں دائیںجانب موجود ہے۔الگ الگ لوگوں کی الگ الگ باتیں پر ایریزونا یونیورسٹی سے تعلق رکھنے والے نکولس ریویز کے مطابق شہنشاہ Tutankhamun کے مقبرے میں ہی دو خفیہ دروازے موجود ہیں جن میں سے ایک Nefertiti کے خفیہ مدفن کی نشاندہی کرتا ہے مقبرے سے متعلقہ تصاویر کا مطالعہ کرنے کے بعد نکولس کا یہ کہنا تھا کہ انہیں یقین ہے Nefertiti کا مقبرہ ادھر ہی موجود ہے۔ اپنے حال ہی میں شائع ہونے والے رسالے “The Burial of Nefertiti,” میں انہوں نے انکشاف کیا کہ یہ دو دروازے ایک ایسے پوشیدہ مدفن کی طرف کھلتے ہیں جو یقینی طور پرNefertiti کامدفن ہے۔

اگر نکولس ریویز کا نظریہ درست ہے تو ماہرین آثار قدیمہ کے مطابق یہ آثار قدیمہ کی تاریخ کا سب سے بڑا کارنامہ ہوگا ۔اس سے پہلے شہنشاہ Tutankhamun کا مقبرہ جو کے 1922 میں دریافت ہوا تھا جس میں مصری ثقافت کے 500 سے زائد نمونے اور خو د نوعمر شہنشاہ Tutankhamun کی حنوط شدہ لاش بھی شامل تھی جو 1323 قبل مسیح میں اچانک وفات پا گیا۔ حیران کن بات یہ بھی ہے کہ اپنی تمام تر شہرت کے باوجود بھی اس حسینہ کے بارے میں کوئی واضح اور مدلل بات نہیں کر سکتا تاہم قیاس کیا جا رہا ہے کہ Tutankhamun کے مقبرے میں ملنے والی نوجوان لڑکی کی ممی دراصل Nefertiti کی ممی ہی ہے۔