ہانگ کانگ (این این آئی)یقین کرنا مشکل ہوگا مگر ہانگ کانگ میں ایک فرد نے اپنی پسند کی لائسنس پلیٹ خریدنے کیلئے 32لاکھ ڈالرز (85کروڑ پاکستانی روپے سے زائد)خرچ کردیئے۔12فروری کو ہانگ کانگ کے محکمہ ٹرانسپورٹ کی

جانب سے ایک ایسی لائسنس پلیٹ کی نیلامی کی گئی تھی جس پر صرفRدرج تھا۔اس لائسنس پلیٹ کو ایک نامعلوم فرد نے 32لاکھ ڈالرز میں خریدا اور اس طرح یہ ہانگ کانگ کی تاریخ کی دوسری مہنگی ترین لائسنس پلیٹ بن گئی۔اس سے قبل2021میں حرفWپر مبنی لائسنس پلیٹ33لاکھ ڈالرز میں نیلام ہوئی تھی۔ہانگ کانگ کے محکمہ ٹرانسپورٹ کی جانب سے2006میں پرسنلائزڈ کار پلیٹ سسٹم متعارف کرایا گیا تھا جس کے بعد سے اب تک 160سے زائد لائسنس پلیٹوں کو نیلام کرکے60کروڑ ہانگ کانگ ڈالرز حکومتی خزانے میں جمع کیے گئے ہیں۔ہانگ کانگ کے رہائشی اپنی پسند کی لائسنس پلیٹ کیلئے رجسٹریشن کرا سکتے ہیںجس کے کئی ماہ بعد لائسنس پلیٹ کی نیلامی ہوتی ہے۔Rلائسنس پلیٹ کی نیلامی طے کردہ قیمت سے 5100گنا زیادہ قیمت پر ہوئی۔