اسلام آباد (مانیٹرنگ ڈیسک )سابق وزیراعظم عمران خان کے توشہ خان کے تحائف خریدنے والا پاکستانی معروف اداکارہ صوفیہ مرزا کا سابق شوہر نکلا، دھوکہ دہی سے اداکارہ کو طلاق دی اور بیٹیاں اپنے پاس رکھ لیں ۔ تفصیلات کے مطابق دبئی میںکاروباری شخصیت اور چیئرمین تحریک انصاف کے توشہ خانہ کے تحائف خریدنے والا شخص معروف اداکارہ صوفیہ مرزا کا سابق شوہر نکلا ۔

جعلی پاسپورٹ پر بیٹیوں کو پاکستان سے یو اے ای شفٹ کیا ہے ۔ اداکارہ کا عمر فاروق کیخلاف کیس چل رہا ہے جبکہ صوفیہ مرزا کے کیس باعث اس کا نام ای سی ایل میں ڈالا جارہا ہے ۔ خیال رہے کہ توشہ خانہ کیس میں عمران خان کو کرپٹ پریکٹس کا مرتکب قرار دیتے ہوئے انہیں 5 سال کے لیے نااہل قرار دیا تھا جس کے خلاف عمران خان نے اسلام آباد ہائیکورٹ سے رجوع بھی کر رکھا ہے۔توشہ خانہ کے تحفے دبئی کی کاروباری شخصیت عمر فاروق نے 20 لاکھ ڈالرز میں خریدے تھے ۔ عمر فاروق کا کہنا تھا کہ میرے ساتھ شہزاد اکبرصاحب نے رابطہ کیا تھاجس کے بعد عمران خان کی اہلیہ، بشریٰ بی بی کی قریبی دوست فرح خان تحفے لے کر دبئی ان کے دفتر آئیں، فرح گوگی کو گھڑی کی قیمت کیلئے پانچ ملین ڈالر کی توقع تھی لیکن 20لاکھ ڈالرز کیش کی صورت میں ادا کر کے تحائف خریدے ۔ دبئی کی کاروباری شخصیت عمر فاروق کا کہنا تھا کہ اس گھڑی میں خانہ کعبہ کی تصویر بنی ہوئی ہے یہ بہت نایاب گھڑی ہے جو کہ بہت محدود پیمانے پر شاہی خاندان کیلئے تیار کی گئیں ہیں۔ شاہی خاندان نے اس گھڑی کو عمران خان جب وزیراعظم تھے دورہ سعودی عرب کے دورے کے دوران انہیں یہ گھڑی پیش کی گئی تھی ۔ ایک سوال کے جواب میں عمر فاروق کا کہنا تھا کہ جب فرح گوگی یہ میرے پاس لے کر آئیں تو انہیں رقم کیش کی صورت میں جلد چاہیے تھی میں نے انہیں فوری طور پر رقم کی ارینج منٹ کروا کر دی تھی ۔