اسلام آباد (مانیٹرنگ ڈیسک /اے پی پی)وزیراعظم شہباز شریف کا حالیہ دورہ لندن واپسی کے بعد کرونا ٹیسٹ پازیٹو آ گیا ہے جس کی خبر مریم اورنگزیب نے ٹویٹر کے ذریعے دی تھی ۔ اس پر تحریک انصاف کے رہنما و ترجمان پنجاب حکومت مسرت جمشید چیمہ نے طنزیہ کہا ہے کہ

اب اہم فیصلوں کو لٹکانے کے لیے ایک اور سیاسی قرنطینہ ہو گیا ہے ۔ سماجی رابطے کی ویب سائٹ ٹویٹر پر انہوں نے کہا ہے کہ ’’اللہ تعالی انہیں صحت دے لیکن اس خاندان کا کورونا بہت سیاسی ہے۔ جب بھی مریم نے سائلنٹ موڈ میں جانا ہو تو کورونا ہو جاتا ہے،اب اہم فیصلوں کو لٹکانے کے لیے ایک اور سیاسی قرنطیینہ۔ خیال رہے کہ وزیر اعظم شہباز شریف کو کورونا ہوگیا۔ یہ بات منگل کو وفاقی وزیر اطلاعات و نشریات مریم اورنگزیب نے اپنے ٹویٹ میں بتائی ۔ انہوں نے بتایا کہ دو روز سے وزیراعظم کی طبیعت ناساز تھی، ڈاکٹر کے مشورے سے کورونا ٹیسٹ کروایا جو پازیٹو آیا۔ انہوں نے عوام اور کارکنوں سے وزیراعظم کی جلد صحت یابی کیلئے دعا کی اپیل کی۔دوسری جانب ملک بھر میں گزشتہ 24 گھنٹوں کے دوران 4 ہزار 191 کورونا ٹیسٹ کیے گئے ہیں۔منگل کو نیشنل انسٹیٹیوٹ آف ہیلتھ ( این آئی ایچ) کی جانب سے جاری اعدادوشمار کے مطابق گزشتہ 24 گھنٹوں کے دوران 4 ہزار 191 کورونا ٹیسٹ کیے گئے جن میں سے 32 افراد کے کورونا ٹیسٹ مثبت آئے ہیں۔اس طرح اس مدت میں مثبت کورونا ٹیسٹ کی شرح 0.76 فیصد رہی ہے۔ مزید برآں اس دوران کورونا وائرس سے کوئی مریض جاں بحق نہیں ہوا جبکہ 48 مریضوں کی حالت تشویشناک ہے۔

اللہ تعالی انہیں صحت دے لیکن اس خاندان کا کورونا بہت سیاسی ہے. جب بھی مریم نے سائلنٹ موڈ میں جانا ہو تو کورونا ہو جاتا ہے. اب اہم فیصلوں کو لٹکانے کے لیے ایک اور سیاسی قرنطیینہ https://t.co/KEyEaERmNY

— Musarrat Cheema (@MusarratCheema) November 15, 2022