لاہور(این این آئی) وزیراعلیٰ پنجاب چودھری پرویزالٰہی اور سابق وفاقی وزیر مونس الٰہی نے ٹی ٹونٹی ورلڈ کپ کے سیمی فائنل میچ میں نیوزی لینڈ کو شکست دے کر فائنل میں پہنچنے پر پاکستانی ٹیم کو مبارکباد دی اور کہا کہ قومی کرکٹ ٹیم نے یوم اقبالؒ کی خوشیوں کو دوبالا کر دیا ہے۔چودھری پرویز الٰہی اور مونس الٰہی نے کہا کہ ویلڈن،گرین شرٹس، شاباش، بابر اعظم،شاباش، رضوان، شاباش حارث۔آپ کی بہترین بیٹنگ کی بدولت پاکستان ورلڈ کپ کے فائنل میں پہنچا اور انشاء اللہ پاکستانی ٹیم ورلڈ کپ جیت کر وطن واپس آئے گی-چودھری پرویز الٰہی اورمونس الٰہی نے کہا کہ قومی کھلاڑی علامہ اقبالؒ کے شاہین ثابت ہوئے ہیں اور شاہینوں نے سیمی فائنل جیت کر اقبال ڈے کا خوبصورت ترین تحفہ قوم کو دیا ہے۔

موضوعات:پرویز الٰہی اور مونس الٰہی