سڈنی (این این آئی)پاکستان ٹیم کے فاسٹ بولر حارث رئوف نے کہا ہے کہ فائنل میں سب کی خواہش ہے بھارت کی ٹیم مدمقابل ہو وہ بھی یہ ہی چاہیں گے فائنل میں بھارتی ٹیم آئے ۔میڈیا سے گفتگو کرتے ہوئے حارث رئوف نے کہا کہ فینز چاہتے ہیں کہ بھارتی ٹیم فائنل میں پاکستان کے مدمقابل ہو ، میری بھی یہ ہی خواہش کہ بھارت فائنل کھیلے کیونکہ تماشائی انجوائے کرتے ہیں۔حارث رئوف نے کہا کہ جب پاکستان اور بھارت کی ٹیمیں فائنل میں ہوتی ہیں تو بڑا پریشر والا میچ ہوتا ہے ۔فاسٹ بولرنے کہا کہ میلبرن گرانڈ ان کا دوسرا گھر ہے اور وہ ہمیشہ وہاں کرکٹ کھیل کر بہت خوش ہوئے ہیں امید ہے فائنل میں ٹیم فاتح بن کر لوٹے گی۔